Collectivité Territoriale de Corse

Chjama à prugetti per a Festa di a Lingua corsa . Maghju - ghjugnu di u 2017

Mardi 24 Janvier 2017



Maghju - ghjugnu di u 2016

V’impegnate per a lingua corsa ?
Avite un’idea per a prumuzione di a lingua ?
Site un associu, un istituzione, una cullettività, una persona murale ?
Vulite prupone un’attività à i zitelli o à i maiò di u vostru territoriu?
A Cullettività territuriale di Corsica vi sustene è accumpagna i vostri prugetti à prò di a lingua corsa.

Rispundite à a chjama à prugetti per a  «Festa di a lingua corsa », nanzu à u vennari 3 di marzu di u 2017, solu o cun parechji partinarii.

Pour en savoir +

Impegnate vi ! A lingua hè viva, ci tocca à parlà la !

Telecaricate u cartulare di risposta è u regulementu di l’aiuti è rispundite ci nanzu à u vennari 3 di marzu di u 2017. (passata sta data ùn seranu micca ritenuti i prugetti)

Truverete u cartulare di scrizzione è a guida di l’aiuti à telecaricà nantu à u nostru situ : www.corse.fr/linguacorsa

Impurtante

Per una efficenza più bona di u nostru serviziu è un trattamentu più lestru di u vostru cartulare vi cherimu di rispettà i cartulari di participazione è a guida di l’aiuti.
Ùn seranu micca ritenuti i cartulari incumpletti, è quelli rimessi dopu à a data limita.

ATTENTI

Ùn si pò principià a manifestazione nanzu d’avè ricevutu a nutificazione uffiziale d’accettazione di a dumanda di suvvenzione.

E suvvenzione sò pagate unicamente secondu à u modu spiecatu in u regulamentu di l’aiuti pagine 6.

Ùn seranu micca pigliate in contu e spese chì cuncernanu :
- u spiazzamentu di l’organizatori fora di Corsica,
- l’alloghju è i ripasti di l’organizatori fora di Corsica
- e cuntravenzione à u codice stradale
- e riparazione è a franchizia d’assicuranza in casu d’accidente di i veiculi persunali o in affittu
- i pieni di carburante


Ùn seranu micca pigliati in contu i ghjustificativi di pagamentu (fatture) :
- chì a data hè anteriore à a nutificazione
- ch’ùn sò micca signati da u Presidente è u Tesurieru di l’Associu (e duie signature) o da un agente Cuntabile.