Collectivité Territoriale de Corse

Collectivité Territoriale de Corse

I persunnali di a Cullettività Territuriale di Corsica è di e so agenze è uffizii accolti oghje :

Samedi 12 Janvier 2008


I persunnali di a Cullettività Territuriale di Corsica è di e so agenze è uffizii accolti oghje :
- cundannanu cù forza u scandalu di e malfatte stalvate à u Casale di a Regione u 12 di ghjennaghju scorsu,

- dinuncianu u culpacciu purtatu à l'istituzione dimucratica di a Corsica,

- si dichjaranu sulidarii in tuttu cù u Presidente di u Cunsigliu Esecutivu, Capu di i servizii di a CTC, dopu à u focu criminale chì hà struttu i scagni,

- rimpruvereghjanu ch'ellu sia statu assaltatu u so strumentu di travagliu, ch'elli sianu stati abbuttati i scagni, sciappati è arrubbati i materiali,

- riaccertanu a so primura maiò pè u serviziu publicu, solu fundamentu di a so azzione, chì ùn pò esse purtata sottu à a minaccia,

Dicenu dinò quant'elli sò indiati pè u serviziu di a Corsica.

L'urganizazione sindicale (CGT, CGT-FO, sindicatu autonomu, STC) facenu soia sta pusizione à l'unanimità è si lascianu a pussibilità di dà u so parè per altru.