Direzzione di a lingua corsa











Cuncorsu Lingua Azzione per a creazione d'imprese

U Cuncorsu Lingua Azzione serà urganizatu in u quadru di e ghjurnate Linguimondi u 1u è u 2 d'ottobre di u 2015. U scopu: a creazione d'imprese in u duminiu di a lingua corsa.



A l’occasione di a Ghjurnata eurupea di e lingue, a Cullettività Territuriale di Corsica urganizeghja « Linguimondi » à l’Università di Corsica da u 29 di settembre à u 3 d'ottobre di u 2015.

U cuncorsu Lingua Azzione si svuglierà u 1u è u 2 d'ottobre di u 2015 in Corti.

Stu cuncorsu apertu à i 15-30 anni tende à incurasgisce a cuncessione è à messa in opera di prugetti inuventi, à prò di a lingua corsa è di u sò impiegu in a vita economica è suciale. I candidati deveranu custituisce si in squadre di quatru è prisentà u so prugettu in lingua corsa.

Stu cuncorsu prupone cusì di sensibilizà i giovani à l'innuvazione è à a creazione dintraprese. St'azzione serà in leia diretta cù l'usu di a lingua corsa. I candidati deveranu truvà un'idea innuvente, imaginà a struttura chì a cummerzializeghja, presentà u so prugettu davanti à una ghjiuria di sperti.

U premiu di a creazione dutatu di 500€ per candidatu serà aghjudicatu à a squadra vincitora.